නිල්වලා සෙවනේ එක වහල යට එකට බැඳුනු අපට අපේම තැනක් නිර්මාණය කරන්නට ගත් උත්සාහයක් ලෙස මෙම වෙබ් අඩවිය දැක්විය හැකිය. වෙබි අඩවිය හරහා ඉටු කර ගැනිමට බළාපොරොත්තු වූ අරමුණු වලින් රැසක්ම මෙවර සුහද හමුව සඳහා ඉටු කර ගැනීමට නොහැකි වීම පිළිබඳ මා පෞද්ගලිකව කනගාටු වෙමි. ආපසු හැරී බැලීමෙදී දුටු ප්‍රධානම අඩුපාඩුව වූයේ මේ සඳහා මාගේ කැප කිරීම ප්‍රමාණවත් නොවීමයි. නිසි කලට අවසන් තත්ව පරීකෂණ සිදු නොකොට නව සේවාවන් ලබා දීම තුළින් ඔබ අපහසුතාවයට පත්වීම පිළිබඳ කනගාටුව ප්‍රකාශ කරමි.

මෙම වෙබ් අඩවිය නිල්වලා 99/2000 කණ්ඩායම වෙනුවෙන් අඛණ්ඩව අන්තර්ජාලය තුළ පවත්වාගෙන යාමට මා බලාපොරොත්තු වෙමි. වෙබ් අඩවිය හරහා පහත දැක්වෙන සේවාවන් ලබා දීමට අපේක්ෂා කරමි.

• අපගේ කටයුතු සමාජ මධ්‍ය තුළ ප්‍රචාරණය කිරීමට අවශ්‍ය පහසුකම් සැපයීම්‍.
• අපගේ කණ්ඩායමේ සොයුරු සොයුරියන්ගේ යාවත්කාලීන තොරතුරු එකතුවක් සැකසීම.
• කණ්ඩායමට අදාල පොදු කටයුතු වල ගිණුම් කටයුතු මෙම වෙබ් අඩවිය හරහා විනිවිධ භාවයකින් සිදු කිරීමට අවස්ථාව සැළසීම.
• අවශ්‍යතාවය අනුව NilwalaGet නමින් කෙටි පණිවුඩ යැවීම.
• විවිධ මාර්ගගත අවස්ථා (තරඟ/වැඩසටහන්) මේ හරහා සංවිධානය කිරීම.
• පොහොසත් සගයන්ට දුප්පත් සගයන් වෙත උදව් ලබා දීමට හැකි පසුබිමක් සැකසීම. (පොහොසත් කම යනු ආර්ථික ශක්තිමත් කම මනින මිම්මක් පමණක් නොවන බව කරුණාවෙන් සලකන්න.)
• තොරතුරු තාක්ෂණ දැනුම අඩු සොයුරු සොයුරියන් වෙනුවෙන් එම දැනුම ලබා දීමට වැඩසටහන් සැකසීම හා ක්‍රියාත්මක කිරීම.
• වැදගත් පණිවුඩ සඳහා/ආචාරශීලී සංවාද සඳහා/විහිළු, මඩ, බොරු සංවාද සඳහා වෙන වෙනම සංවාද මණ්ඩප සකස් කිරීම.
• ජංගම දුරකතන යෙදවුමක් (Mobile App) ලෙස වෙබ් අඩවිය භාවිතා කරිමට අවස්ථාව ලබා දීම.
• තොරතුරු තාක්ෂණය හරහා සැපයිය හැකි ඉදිරියේදී ඔබ ඉල්ලා සිටින ඕනෑම පහසුකමක් සංවර්ධණය කිරීම.